Tokante nos

Nos vishon

‘Stichting Brisa’ kier ta e brùg konfiabel, eksperto i influyente entre personanan Hulandes-Karibense na Groningen, gobiernu i e instanshanan ku ta duna yudansa. Di e manera aki por ofresé yudansa fruktífero na nos hendenan pa nan por partisipá na un manera positivo den komunidat.

Mishon

‘Stichting Brisa’ ta perkurá pa e posishon sosial di personanan Hulandes-Karibense wòrdu fortifiká i tambe pa nan bira mas outosufisiente i resiliente. Asina nan mes por skohe nan direkshon di bida i partisipá aktivamente i ku dignidat den komunidat. Nos ta hasi esaki dor di ofresé informashon visibel i alkansabel pa ora nos hendenan tin preguntanan i nan tin mester di yudansa. Tambe nos ta duna konseho, rekomendashon, hasi investigashon i tambe kompartí konosementu i eksperiensia ku nos stakeholders na momentu di krea maneho.

Prinsipionan básiko i puntonan di salida

E prinsipionan básiko i puntonan di salida di ‘Stichting Brisa’ ta trata riba mehorashon di bida i partisipashon. Nos fundashon ta traha duru pa di un banda fungi e papel di embahador ‘informal’ i di otro banda pa evaluá e maneho di gobiernu. Tambe pa partisipá mas aktivamente posibel na desaroyo di e maneho, komo konsehero, i komo un fundashon ku ta dispuesto pa skucha otronan.

‘Stichting Brisa’ ta krea un plataforma pa por duna opinion libremente, oportunidat pa nètwèrk i tambe ta yuda e personanan resién yegá pa por haña nan kaminda den komunidat. Imaginabo, bo ta yega den un pais ku bo no ta dominá su idioma i bo no tin ningun konekshon ku e kultura ni e sistema di e pais. Bo no tin idea kon e merkado laboral i enseñansa ta hinká den otro. E kaminda pa bo por sintibo na kas lo ta unu hopi largu i kompliká. Nos fundashon ta rekonosé ku dor di e puntonan ariba menshoná, un gran parti di personanan di nos komunidat antiano i arubiano tin difikultat pa por partisipá den e komunidat hulandes. Komo konsekuensia, por tin akumulashon di problema: pobresa, desempleo (hubenil), un kantidat enorme di habitantenan no-registrá, kuido pa hoben, mas drop-outs na skolnan i no ta hasi bon uso di talentonan den ambiente laboral.

‘Stichting Brisa’ kier trese kambio den esaki dor di traha huntu, solidario, solushonando problema i tambe respetando e kultura i tradishon di nos islanan i tambe di Hulanda. Huntu nos por trese e kambio positivo den nos komunidat . Union ta hasi forsa!

” ‘Stichting Brisa’ ta perkurá pa e posishon sosial di personanan Hulandes-Karibense wòrdu fortifiká i ku tambe nan bira mas outosufisiente i resiliente.”

Tuma kontakto ku nos